个月有六块大洋的进账了。

    “哦，薛太太，阿拉先生一般早上自己买早点，中晌不回来吃呃，只有夜头回来吃夜饭，我嘛，有呃晨光中晌在屋里厢，有呃晨光也在外头，所以一般一天只要烧一顿就可以了，衣裳也用不着天天汰。”

    “哦，是格能啊，个么我收了太多了，我以为那是一天三顿，个么减掉一块大洋好勒，我收侬五块。侬看哪能？”

    “勿要减忒了，讲好六块就六块，侬赚呃都是辛苦铜钿呀。”

    “欧阳太太，侬太客气了，个么格能，我每礼拜免费帮侬家里打扫一趟。侬看好伐？“

    “好好好，薛太太，就依侬，我要是有需要，就麻烦侬来帮我打扫打扫。”

    “欧阳太太，侬真呃是大方，不像楼下呃杜太太，小家败气，斤斤计较。上个号头还扣忒我一块大洋，讲有三四天是伊自己烧中饭呃，还讲上个号头落雨天数多，我衣裳汰得少，真是碰着赤佬了。“

    淑娴听后，不置可否，只能无奈地笑笑。

    “侬晓得伐，伊是姨娘呀，看上去风风光光呃，其实，男人在外头花擦擦，伊男人在浦东老家是有老婆呃，前几年大太太还来上海跟伊大吵大闹，请伊吃了两记耳光。”

    
 <本章未完请点击"下一页"继续观看!>